S Ö Z A L T I

tissot prx | texnologiya

Son illərin ən "xod" gedən qol saatı. Ölkəmiz standartları üçün baha olsa da 1000 dollardan ucuz olduğu üçün birinci dünya ölkələrində "affordable" seqmentinə daxil olur.


Tissot, saatın dizaynının 70-ci illərdə satdığı tissot seastar modelindən götürüldüyünü deyir.

Amma həmin seastar modelinin dizaynının da Audemars Piguet royal oak-dan ilhamlandığını hər kəs yaxşı bilir.

Saatın bilərziyi royal oak-da olduğu kimi inteqrasiya olunmuş bilərzikdi. Yəni bilərziyin saatın gövdəsinə birləşən birinci parçası gövdəyə inteqrasiya olununub və tam qatlanmır.

Elə bu səbəbdən də saatın ayaqdan-ayağa (lug to lug) uzunluğu xeyli böyükdü. Belə olan halda qol ölçünüz incədisə saatın bilərziyi qolunuzdan kənara "daşır".

Normalda 42-43 mmlik saatları rahatlıqla taxan mənim belə biləyimdə 40 mmlik versiyası böyük görünürdü. Ona görə alarkən taxıb yoxlamaq lazımdı.
Kvars versiyada sferblat sadə dizayndadı. Xəfif sunburst effekti var.

Mexaniki versiyada isə vafli dizaynına sahibdi

Saatla bağlı ən böyük müzakirə mövsuzu içindəki mexanizmdir. Powermatic 80 mexanizmi 80 saat enerji rezervi versə də mexanizmin bəzi detallarının plastik olması fikir ayrılığına səbəb olub. Bəziləri plastik detalların metal detallar kimi bir-birinə sürtünərkən yeyilmədiyini və buna görə uzunömürlü olduğunu deyir. Bəziləri də plastik detalların aztapılan olduğu üçün saatın təmirinin çox çətin olduğunu deyir.
Saatın populyar olmasına görə tonla fərqli rəngi və versiyası mövcuddu.
35 və 40 mm-lik kvars versiya

35 və 40 mm-lik mexaniki versiya

42 mm-lik mexaniki xronoqraf versiya


Və ən bərbad versiya olan digital versiya


Alternativi üçün (baxma: citizen tsuyosa)

ray ban | sağlamlıq

1936-cı ildə qurulmuş olub 1999-cu ildən etibarən luxottica'nın tərkibinə alınan, Verdiyin pulun son qəpiyinə kimi layiq olan,
aviator wayfarer və clubmaster seriaları ilə məşhurlaşmış amerika mərkəzli eynək şirkəti. bütün təbəqələrdən olan insanlarçün əlçatan olan azsaylı brendlərdən biridir. Bir milyarderin də gözündə görmək mümkündür, orta gəlirli insanın da.

Materialının premiumluğunu əlinə aldığın andaca hiss edilir. möhkəm, dözümlü olmasına baxmayaraq yüngül və keyfiyyətli materialdan olması sayəsində burunun üstündə gözəçarpan izlər qoymur və eynək taxdığını belə unutdurur adama. Lensləri modeldən asılı olaraq polikarbonat və ya mineral şüşədir. Onsuz da yetəri qədər pul verilir deyə, məncə, bir azca artıq ödəyib mineral şüşə olanı almaq daha məntiqlidir.

Almaq istəyənlər üçün texniki 1-2 detala deyinim. Yəqin ki, eynək taxan hər kəs "50/22/150" tipli yazıların çərçivə ölçüsü, burun hissənin genişliyi və sap uzunluğunu bildirdiyindən agahdır. Deyildisə də, artıq öyrənmiş oldu. ray-ban Modellərinə göz atarkən əlavə olaraq, əksər hallarda "g15" yazısını görmək mümkündür. G15 ray-ban'in 1937-dən bu yana istehsal etdiyi ən əsas şüşəsidir. G15-lə bərabər "b15" yazısını da görmək mümkündür. Bu kodlar şüşənin kodlarıdır. "g" hərfi "green", "b" hərfi "brown" sözündən gəlir, şüşənin rəngini bildirir. "15" rəqəmi isə lenslərin filter göstəricisidir. işığın 85%-ni bloklayıb 15%-ni buraxdığını göstərir. Təbii ki, bunlar standart (yəni sadəcə uv qorumalı) lenslərə aiddir, polarizə lenslərdə durum dəyişir.

Polarizənin də nə olduğunu bilməyənlər üçün qısaca izah edim. Polarizə qat gözün yorulmaması və daha aydın görüş üçün istifadə olunur. Ən əsas özəlliyi rəngləri daha kontrastlı, daha canlı verməsi və ən əsası da, yansımaları önləməsidir.

Yansıma deyərkən işığın qışda qarın, buzun, yayda asfaltın, maşınların, suyun üzərində yaratdığı bütün növ üfüqi olan parıltıları nəzərdə tutulur. Düzü, yuxarıdakı şəkildə bir az şişirdilib, ancaq məntiqi başa düşmək üçün yetərlidir. Bu arada, diqqət etdinizsə, bir əvvəlki cümlədə "üfüqi" sözünə xüsusi vurğu etdim. Çünki şaquli olan(məsələn, yandan və ya binaların şüşələrindən gələn) parıltıları önləmir. Əslində, polarizənin niyə belə işlədiyinin məntiqini mən də tam dəqiq bilmirəm* biri çıxıb bu barədə entri yazsa, əla olardı . Ancaq müqayisə olaraq fotoqrafiyadan anlayışlı şəxslərə polarizə lens filterləri üzərindən başa sala bilərəm. İstifadə edənlər bilir ki, bu filterlər lensin önünə taxılanda təkər kimi 360 dərəcə döndürmək olur. Duruma uyğun olaraq onu fırladıb fotosu çəkiləcək yeri polarizə edirik. Lakin gün eynəklərində şüşənin üzərinə əlavə vasitə taxılmayıb birbaşa olaraq şüşənin özünə çəkildiyindən sadəcə müəyyən limitli bir bucaq altında olan parıltıları önləyir. işığı yansıdan və gözü yoracaq olan parıltılar əksər hallarda qar, buz, qızmar günəş altındakı asfalt, maşınların və suların səthləridir, hansılar ki, yerə üfüqi şəkildə paraleldir, ona görə də eynəklərdə şaquli yox, üfüqi işığın qarşısını alacaq formada polarizə qat çəkilir. * nəsə elə bil çox qəliz oldu

Bir ray-ban Eynəyi seçərkən onun polarizə olub-olmamasını anlamaq isə çox bəsitdir. Bütün Ray-ban eynəklərinin sağ (öndən baxanda sol) şüşəsinin küncündə marka adı kimi "ray-ban" yazısı olur. Əgər eynək polarizədirsə, marka adının yanına bir də "p" hərfi qeyd olunur

və şüşənin üstündə standart olaraq "g-15" stikeri deyil də, "polarized" yazılı sticker olur.

Eyni zamanda kodlama olaraq da eynəyin sol sapının içərisində ən sonda rəqəm və "p" hərfi ilə işarələnir. Misalçün öz eynəyimdəki kod:

Eynəyin qutusunun içərisində çıxan təlimatda sapdakı son 2 rəqəm və hərfin eynəyin günəş radiasiyasına qarşı nə dərəcədə qorunma təmin etdiyini bildirdiyi qeyd oıunub:
0 - çox zəif
1 - zəif
2 - orta
3 - yüksək
4 - çox yüksək
"n" hərfi "normal", "p" hərfi də dediyimiz kimi "polarized" anlamına gəlir.

Reddit'dən tutmuş quora'ya, ordan da üzü türk forumlarına qədər saysız-hesabsız başlıq açılaraq soruşulan, hətta bakıdakı rəsmi satış yerlərində belə cavabı tam əminliklə verilə bilməyən bir suala tam rəsmi bir cavab vermiş olum. Məsələ belədir ki, insanlar eynək alarkən "uv400 yoxsa polarized?" seçiminə düşürlər. Hər zaman da sual yaranır ki, "görəsən, polarizə eynəklər həm də uv400-dür?". Özüm keçən ay araşdırma edəndə dəqiq cavab tapmadığım üçün şirkətin amerikadakı müştəri xidmətlərinə mail yazdım. Sağ olsunlar, gün ərzində də cavabladılar və buradan elan edirəm mən də -*
"bütün ray-ban eynəklər uv400 qorumalı şüşəyə sahibdir. mavi işığın böyük çoxluğunu, uv-a və uv-b kimi zərərli şüaların isə 100%-nin qarşısını alırlar. yəni polarizə olan ray-ban'lar həm də uv400-dür. Lakin özlərinin qeyd etdiyi bir əmmanı da deyim. Polarizə olan ray-ban eynəklər g-15 (və ya b-15) kodlu şüşəyə sahib olduqları deyilsə də, "texniki olaraq" 15 sayılmırlar. Çünki mail'də qeyd olunmuşdu ki polarizə olduğundan bu şüşə normal işığın 89%-ni bloklayır və 11%-ni keçirir. Bu da "texniki olaraq" şüşənin g-15 deyil də g-11 olmasına gətirib çıxarır.

Son olaraq, ümumən gün eynəyi almaq istəyənlərə eynəksiz gəzəndə gözləri sulanan biri kimi mənim tövsiyəm o olardı ki, mütləq şəkildə polarizə olan eynək alsınlar* polarizə ray-ban üçün əlavə 50$ ödəməlisiniz . Xüsusilə də maşın sürənlər, uzun yola çıxanlar üçün həyat qurtaran şeydir polarizə eynək. Çünki mən özüm sadəcə uv400 olan eynək taxanda davamlı şəkildə "eynəyin də var, niyə gözlərini qıyırsan?" deyirdilər. Bunu istifadə edəndən sonra anladım ki, problem polarizə olmamasında imiş: o yansımalar gözümü qamaşdırırmış. Həmçinin, 200, 300, 500 - hər nə qədərdirsə, pula qıyın, mütləq şəkildə eynək işinin içində olan markaları alın. Ray-ban olmasın, olsun persol, oakley, tom ford, prada və s. Əsas odur güvənilir brend olsun. Həm də ki, yazıda qeyd etdiyim 85-89% işığı bloklamaq məsələsi də gözünüzü qorxuzmasın. İllər Əvvəl 50-60 manatlıq poddelka eynək taxırdım, hansı ki bildiyin adi qara plastik idi, "gün eynəyi" adı altında qaraldırdı hər yeri. Kiminsə axşam vaxtı gün eynəyi taxdığını görəndə də qəribsəyirdim ki, kor kimi heç yeri görmədiyi halda bu niyə gözündən çıxarmayıb? Dünən başıma gələn bir hadisədən sonra indi anlayıram o insanları. Dünən axşam şəhərdə dostumla qarşılaşanda "hava qaralıb, gün eynəyi niyə taxmısan?" deyəndə ayıldım ki, eynəyimi dəyişməmişəm, gözümdə qalıb. İnsan kağız üstündə "89% işığı bloklayır" cümləsini görəndə elə bilir ki, hər yeri zil qaranlıq edəcək. Di gəl ki, digər şəffaf eynəyimdən tək fərqi ətrafı cüzi bir yaşıl filterlə göstərməsidir, hansı ki buna rəğmən əşyaların rənglərində və tonlarında bir qram dəyişiklik yoxdur, necədirlərsə elə də görünürlər. Amma bununla belə günəş və ümumiyyətlə, digər işıqlar insanın gözünü bir qram da yormur* türklər demiş, ohh, dünya varmış. İndi oturub illərdir niyə ağıl edib düz-əməlli bir gün eynəyi almayıb gözlərimə əziyyət vermişəm deyə heyifsilənirəm.

Yekun olaraq, Ortalıqda həddindən çox geydirmə ray-ban var. Əvvəllər original ilə fake arasındakı fərqi lazer ilə şüşəyə qazınmış "rb" loqosundan, kodlardan və s şeylərdən anlamaq asan idi, amma indi elə fake ray-ban'lar var ki, heç illərin optikaçısı belə ayırd edə bilmir hansı originaldı, hansı fake. Yuxarıda bir yazar hər gələnin gözündə ray-ban olduğunu deyib, ancaq demək olar 90%-i fake ray-ban'dır. Odur ki, rəsmi satış nöqtələrindən almaq lazımdır. Bakıda occi və 28 mall'dakı sunglasshut mağazalarını məsləhət görürəm. Əsas da sunglasshut. Çünki ray-ban şirkəti luxottica'nın tərkibindədir və sunglasshut da luxottica qrupun məhsullarını satan ən əsas mağazadır. Türkiyədən alınacaqsa, atasun optik və elə ordakı sunglasshut məsləhətdir. Amma məncə, ən yaxşısı ya amazon'da rəsmi ray-ban mağazından və ya elə sırf ray-ban'ın öz saytından almaq ən yaxşıdır. 10-15 gün gözlə, amma ən azından için rahat olsun ki, tamamilə original, keyfiyyətli və ömürlük bir eynək almış olacaqsan. Həm də ki, öz saytında digər yerlərdə olmayan hər cürə "option"ları görmək mümkündür. İstədiyin kimi çərçivə, şüşə rəngini, polarizə olub-olmamasını, hətta üzərinə lazerlə söz yazılmasını belə seçmək olur. Şəxsi zövqümcə elə ən yaxşısı, wayfarer modelini almaqdır. 70 illik klassikləşmiş dizayn elədir ki, hər tip üz quruluşuna, hətta eynək yaraşmayan insanlara belə yaraşır. Əslində, wayfarer özü öz içərisində "classic/ ease/ new/ folding/ mega" olaraq 5 tipə bölünür. Entri yetəri qədər uzun olduğundan model fərqlərinə girib daha da uzatmaq istəmədim. 2 ay elə didik-didik araşdırma elədim ki, bildiyin satış mütəxəssisinə çevrilmişəm :d. Odur ki, almaq fikrinə düşən olsa, heç çəkinmədən mesaj qutumu yaşıllandıra bilər, əlimdən gələn hər köməyi edə bilərəm.

1984-85 serie a sezonu | idman

Serie a tarixinin ən gözlənilməz sonla başa çatan sezonu. Ümumiyyətlə bu sezon bir çoxlarına görə "serie a-nın serie a olduğu illər" ifadəsinin ilk ilidir. Amma real yanaşsaq 1982-83 sezonundan, yəni Michel Platininin Yuventusa transferindən sonra hər şey möhtəşəm olmağa başlayır. Zatən Yuventusda Gaetano Scirea, Antonio cabrini, Marco Tardelli, ən yaxşı çempion ola bilməyən komanda olan 1982 Braziliyasını ağlar qoyan Paolo Rossi və gəlmiş keçmiş ən yaxşı qapıçılar siyahısında mənə görə ilk 3-lükdə olan Dino Zoff da var idi. Platini gələndən sonra olur konfet.
Amma gələk bu sezona. Əsas Komandaların vəziyyətini ayrı-ayrı yazmağa çalışacam.
Yuventus keçən sezonu çempion olaraq bitirmiş və ümumilikdə 21 çempionluğa çatmışdı. Yayda lazionun super ulduzu Bruno giordano ilə razılığa gəlsələr də, bruno sonradan astronomik maaş tələb edir və iş pozulur. Zatən bu sezon lazio da serie b-yə düşür. Bruno da növbəti sezon Napoliyə keçir. Amma bu sezon yuventusun işləri yaxşı getmir və ilk 5-likdən kənarda qalırlar. Buna baxmayaraq komandanın ulduzu olan və 1984-də Fransa ilə Avropa çempionu olmuş Platini 18 qolla sezonun bombardiri olur. Serie a-dan əli üzülən Yuventus fikrini çempionlar liqasının keçmiş adı olan Çempion klublar kuboku turnirinə verir. Heysel faciəsinin baş verdiyi finalda məhz Platininin penaltisi nəticəsində Liverpool üzərində qələbə ilə Avropanın böyüyü olurlar.
Sezonun Daha bir önəmli hadisəsi isə tarixin ən yaxşı oyunçusunun Barcelonadan Napoliyə transfer olunması idi. Bəziləri Maradonanın Barcelonada istəniləni vermədiyini düşünərək onun kaprizli olduğunu bildirir. Amma Barcelona - Maradona məsələsi tamam başqa söhbət mövzusudur. Çoxları Napolinin çempion olmağını gözləsələr də bu 3 il sonra baş verir. Komandanın ən yaxşısı Maradona olsa da təkbaşına Napolini çempion etməsi imkansız idi. Ətrafında yaxşı oyunçular yığılandan sonra o, tarix boyu şimallılar tərəfindən lağ edilən və ələ salınan Neapolu 2 dəfə İtaliyanın böyüyü etməyi bacarır.
Fiorentina isə 82 Braziliyasının əfsanə kapitanı və karyerasında sadəcə 1 sezon Avropada oynayan Socratesi transfer edir. Amma matçlarda istəniləni verə bilmir, məşq üsullarını bəyənmir, həddindən artıq siqaret çəkir və içki içir, məşqçilərlə dalaşır və sezon sonunda Braziliyaya qayıdır.
Roma 1982-83 sezonunu çempion bitirəndən sonra 1984 Çkk turnirində liverpoola penaltilər seriyası nəticəsində məğlub olur. Romanın əsas ulduzlarından biri yenə 82 Braziliyasının oyunçusu olan Falcao idi. Onun çkk finalında penaltini vurmaqdan imtina etməsi, sol dizindən zədələnməsi, komandanın onun üçün həddən artıq pul xərcləməsi Falcaonun da sezon sonunda Braziliyaya qayıtması ilə nəticələnir.
Demək olar ki, sezonun ən yaxşı heyətlərindən birinə sahib olan İnter isə o qədər yaxşı nəticələr əldə etmir və sonda 3-cü olur. Milan da eynilə qənaətbəxş çıxış etmir və sezonu 5-ci bitirir.
Gələk Çempion Hellas Veronaya. Bu hadisəni yalnız 2016-cı ildəki Leicester city çempionluğu ilə müqayisə eləmək olar. Belə nağıllar məncə bir də olmayacaq. Zatən Veronanın ilk və tək çempionluğudu. Bu "balaca" klubun çempionluğunda əsas rollar yayda transfer edilən alman Hans Peter briegel və danimarkalı preben elkjaer ilə birlikdə oyunun sistemini onların üzərinə quran baş məşqçi osvaldo Bagnoli olur. Qapıda da garella əfsanələr yaradır, amma sezon sonunda çempion olmaq üçün sağa sola pul xərcləyən (təbii ki, bunda siciliya mafiyasının da rolu böyükdür) Napoliyə keçir. Komandanın əsas qol maşını guiseppe Galderisi olur və ümumilikdə 11 qol vurur. Hellas verona ilk turda maradonalı Napolini 3-1 məğlub edir. Yuventusu ilk dövrədə 2-0, Romanı isə 1-0 la keçirlər. 2ci dövrədə isə hər ikisi ilə heç-heçə edirlər. İnter və milanla isə hər iki dövrədə matçlar heç-heçə bitir. Verona sezon boyunca sadəcə 2 dəfə məğlub olur. 15-ci turda avellinoya 2-1, 25-ci turda Torinoya 1-2. Ki Torino da bu sezonu əla keçirib sonda 2-ci olur. Ümumilikdə verona 30 oyuna (15 qələbə, 13 heç-heçə və 2 məğlubiyyət) 43 xal toplayır. 29 tur lider olurlar. Sadəcə 16-cı turda İnter 1 həftəlik lider olur. O dərəcədə əzmkar oynayırlar. Coppa Italiada isə 4/1-də İnterə uduzurlar. İnter yarımfinalda Milana, milan isə finalda Sampdoriaya məğlub olur.
Bir haşiyəyə də çıxmasam olmaz. Serie a tarixində məhz bu sezon bir ilk gerçəkləşir və bu sezondan sonra bir daha bunu etmirlər. Bura kimi hansı hakimin hansı oyunu idarə edəcəyi 3-5 gün qabaqcadan müəyyən olunurdu. Amma bu mövsüm məhz oyun günü püşk ilə hakimlər təyin edilir. Və Hellas verona çempion olur. Və bir daha bu üsul təkrarlanmır. Və verona kimi "balaca" komandalar bir daha çempion ola bilmir. İf you know, you know.
Son olaraq fantastik mövsümün ilk 5-liyi və bəzi səhnələr:

tissot prx | texnologiya

ray ban | sağlamlıq

1984-85 serie a sezonu | idman

red hot chili peppers | musiqi

kodak

1986 klivlend şar festivalı | tarix

(youtube: )

i̇qbal bano | musiqi

jim jones ★ wiki

* manowar - guyana

* o fortuna


nəhəng intihar maşını.
İrqçiliyin düşməni.
Pedofil və narkoman.
Cənnətə aparan adam.
Ata!

Necə birləşdirmək olar bu adları?

Dərs çıxarmaqdan bezməyən bəşər övladının əfsuslanaraq nəql etdiyi növbəti faicədir bu.

Jim jonesun hekayəsi;

James Warren Jones, 1931ci ildə James Thurman və Lynetta Jonesun oğulları olaraq İndianada dünyaya gəlir.
anası oğlunun məsih olduğuna inanırdı. +1 .


jim çeroki nəslindən idi.

uşaq yaşlarından marks, hitler, stalin, gandi kimi şəxsiyyətləri araşdırmağa, mütaliələrə başlamışdı.
digər yaşıdları ilə münasibətləri heç də yaxşı alınmırdı. o "qəribə uşaq" olaraq görülürdü. dinə çox sıx bağlılığı yaranmışdı artıq həyata ilk addımlarını atmaq dönəminə belə gəlmədən. din, xüsusilə də ölümlə əlaqəli çox sorğulayıcı fikirləri olduğunu, durmadan oxuduğu söylənir.

uşaq yaşında evlərinin bağçalarında kiçik heyvanlar üçün cənazə mərasimləri təşkil edirdi. sonralar bu ayinlərin bir çoxunun səbəbkarı - qatilinin elə özü olduğu, ilk dəfə bir pişiyi bıçaqlayaraaq öldürməsi və basdırmasının müşahidəsi ilə ortaya çıxmışdı.

+2 . * arxa sırada sağdan 5ci, müəllimin yanındadır.

Ailəsi Lynnə köçür. anası riçmondda bir fabrikdə işləyir, atası isə 1.dm müharibəsindən aldığı travma payının nəticəsi olaraq evdə çox vaxt keçirməyə məcbur olurdu. qonşularından biri jimi nazaren kilsəsinə tez-tez aparırdı.

bu vəziyyət çox çəkmir. o 17 yaşında ikən anası və atası ayrılır. jim isə anasını seçir. anası ilə birlikdə riçmondda yaşamlarına davam edirlər. anası xadimə işləyir bu periodda.

haşiyəyə çıxaq;
eyni ildə, 1945də riçmonddan məzun olan tibb bacısı Marceline Baldwin ilə tanış olur, 1949da isə evlənirlər.

jim də riçmonddan məzun olur, Bloomingtondak indiana universitetində dərslərə başlayır. ölkədəki afro-amerikanların vəziyyətinə olan münasibəti və marağı burada dinlədiyi bir eleanor roosevelt çıxışı ilə daha da möhkəmlənir.

+3 . * arxa sırada sağdan 4cü jimdir.

jimin alkoqolik olan və ku kluks klan üzvü olduğu təxmin edilən atası isə 1951də vəfat edir.

jim və marceline indianapolisə köçürlər. jim dərslərini almağa, marceline isə tibb bacısı olaraq fəaliyyətinə davam edir.

jim 1952ci ildə vaiz olmaq qərarına gəlir. indiana, Somersetdəki bir kilsədə işə başlayır. işlər elə tam da bundan sonra fırıqlaşır.

jim dini bir karyera olaraq görməyə başlayır. bunda, 1950ci illərdə abşdakı "kommunist ovu" axınının az rolu olmur. 1951ci ilin əvvəlində kommunist partiyanın üzvü olan jim əvvəl McCarthyçilik ilə ( Joseph McCarthy ) , daha sonra isə julius və ethel rosenberg məhkəmələri ilə açıqca bəlli olan bir ostrasizm qarşısında çapalamağa cəhd edir. və marksizmi ifadə edə bilməsi üçün kilsə tək yol olaraq görünür və ağıllı bir yol seçir.

+4 .

jim 1952-53cü illərdə gənclərə yönəlik məzhəblər arası əyləncə mərkəzi qurma kampaniyası başladır.
eyni zamanda bu ildə Agnes Jonesu da övladlığa alırlar.

jim indianadakı bir məzhəblərarası yığıncaqda çıxış edir və həyəcanlı, ümidverici cümlələri ilə tamaşaçıların yetərincə diqqətini çəkməyi bacarır.

1954cü ildə maddi imkanlarını qarşılamaq üçün meymun satır. ancaq yol boyu meymunlar xəstəliklərdən, səfalətdən tələf ola bilir. buna baxmayaraq jim yardım istəklərini rədd edincə tələf olan meymunlar da qəzetlərin ilk səhifə xəbərinə belə çevrilirlər.

jim təxminən eyni dövrlərdə kilsədən ayrılır. o, somersetdən ayrılışını zənciləri camaata qatmasının məmnunsuzluqla qarşılanması ilə açıqlayırdı.

bu dönəmdə bir kilsədə ikən "inancla yaxşılaşdırma" * müalicə nümayişini görür, bunun insanlara dərindən təsir etdiyini müşahidə edir, bu kimi, inancdan yararlanaraq təmin edə biləcəyi pulun cəmiyyətdə diqqət mərkəzinə çatmasına kömək edə biləcəyini kəşf edir. beləcə, indianapolisdə, Hoyt ve Randolph küçələrində bir bina kirayə götürür, buraya Community Unity adını verir.
+5 . * peoples temple broşurasından – göy qurşağı ailəsinin atası: jim jones.

1956cı ildə kilsəsini 15ci küçə ilə New Jersey küçəsinə daşıyıb, burada "Qurtuluşun qanadları" adını alır. daha sonra da 10cu küçə və Delawaredə bir sinaqoqa köçür və burada nəhayət Peoples Temple adını ilə tanınır.

jones ailəsinin 1958ci ildə övlad edindikləri ( 4 yaşındakı Stephanie və 2 yaşındakı Lew Eric ) koreyalı 2 sahibsiz uşaqdan biri olan stephanie 11 may 1959da maşın yolu keçərkən qəza keçirərək dünyasını dəyişir. bundan sonra joneslar stephanie ilə eyni uşaq evindəki 6 yaşındakı Suzanne-ı övladlığa alırlar.
və nəhayət 1959cu ildə Stephan G. Jones adını verdikləri öz doğma övladlarına da sahib olurlar.
ancaq qısa bir müddət sonra James Warren Jones Jr. adlı qaradərili bir körpəni daha övladlığa alırlar.

Onlar ümumilikdə 7 uşağı himayələrinə alırlar və bu klanlarını "göyqurşağı ailəsi" olaraq adlandırırlar. bu ad, daha sonra Peoples Temple-ın da yerini alır.
+6 . * sağdakı jim jones, ortadakı Charles Boswelldir.

Kilsə 1960cı ildə ehtiyacı olanlar üçün yemək paylamaqla başlayır və sosial yardım fəaliyyətləri getdikcə genişlənir; həmçinin isanın həvariləri təriqəti tərəfindən də qəbul görürlər.

Bu əsnada jim Butler universitetindən məzun olur və vaiz olaraq fəaliyyətə yenidən davam edir.

Eyni ildə həyat yoldaşının ailəsi də riçmonddan kömək üçün gəlir, bir qocalar evi açılır.

1961ci ildə isə jim indianapolis Bələdiyyə rəhbəri Charles Boswellin təyini ilə insan haqqları komissiyasının ilk idarəçisi olur.

eyni ildə bir dəfə daha diqqət mərkəzinə düşür. mədə xorası olan jim xəstəxanada yatır və həkimi qaradərili olduğu üçün səhvən zəncilərin otağına yerləşdirilir və xəstəxanaya bir çaxnaşma düşməsinə səbəb olur. onun təriqətinə irqlərarası əlaqələr də daxil idi və o ayrı-seçkiliyə qarşı şiddətlə etiraz edirdir. kilsələrdə, restoranlarda, iş yerlərində, xəstəxanalarda, teatrlarda irqçiliyə qarşı bir mübarizə dalğası yaradırdı və müvəffəqiyyətli olmağı da bacarırdı. ağ və qaradərililər arasında ciddi münaqişələrin olduğu məhəllələrdə maraqlanmağa başladı, müdaxilələr etdi. bunun acısını da az çəkmirdi, evi və kilsəsi hücumlara məruz qalırdı. və o dönəmdə nuklear hücum qorxusu da baş qaldırmışdı.. Esquire jurnalı 1962ci ildə termonuklear partlayış və yayılmasına qarşı ən təhlükəsiz 9 yerin siyahısını hazırlamışdı, jim də buna güvənərək Belo Horizonte, Braziliyaya köçür, sonra da Rio de janeiroya. burada ingilis dili dərsləri verərək keçinirdilər. ancaq Peoples Temple İndianada onsuz belə davam edirdi..

+7 . * jim jones ailəsi - xanımı, uşaqları, nəvələri ilə.

1963cü ildə jones ailəsi indianaya geri qayıdırlar. bu topluluq, 15 iyul 1967ci ilde nuklear bir fəlakət səbəbi ilə dünyanın sonunun gələcəyinə, sonra da yer üzündə sosialist bir Eden Bağçası qurulacağına, buna görə də şimali kaliforniyaya köçmələri gərəkdiyinə inandırıldı. 1965 ci ildə Ukiah, Californiaya köçdülər və təxminən 140 indianalı kilsə üzvü də onlara qatıldı.

1967ci ildə kilsə yenidən böyüməyə başladı. artıq Red Valleydə öz ibadətxanası, hovuzu belə var idi və üzvlərinin sayı 300ə çatmışdı.

1971-1973cü illər;
göylərdən enəcək heç kim yoxdur, cənnəti özümüz qurmalıyıq!

+8 . * jonestownda bir təhsil ocağı.
fəaliyyətlər genişlənirdi, Peoples Temple yeni üzvlər edinmək üçün avtobus istifadə etməyə və radiostansiyadan yayımlara başladı. eyni zamanda siyasi gücünü də istifadə edirdi, 1972də Los Angeles və San Franciscoda bir cəmiyyət yaradıldı..avtobuslar dolusu Peoples Temple üzvləri ölkəni dolanmağa başlamışdı, 1973cü ildə cəmiyyəti tərk edən 8 nəfərə rəğmən üzvlərin sayı 2750yə çatmışdı.

jones xristianlığı, incili də tənqid etməkdən çəkinmir, Marceline * həyat yoldaşı New York Timesa verdiyi bir reportajda jimin Mao Zedongdan ilham aldığını, və Marksizm propaqandası üçün insanları dinə yönləndirdiyini ifadə edir. bu çıxışa görə, jim incili alıb masanın üzərinə ataraq "bu kağızdan bütü yox etməliyəm" deyə bağırıbmış..


--spoiler--


Ya özünüzə kömək edəcəksiniz, ya da kömək gəlməyəcək...Göylərdən heç kim enməyəcək! Yuxarıda cənnət yoxdur! Cənnətimiz biz özümüz burada qurmalıyıq!


--spoiler--

O, ara-sıra Buddanın, Qandinin, hətta Leninin reinkarnasiyası olduğunu da iddia edirdi. Peoples Temple üzvlərindən birinin dediyinə görə, jim bu şəkildə izah verirdi;


--spoiler--


Nəyə inandığınız, nəyi görə bildiyinizdir. Məni dostunuz olaraq görürsünüzsə, məni dostunuz olaraq görürsünüzsə, dostunuzam...məni xilasediciniz olaraq görürsünüzsə xilasedicinizəm. məni tanrı olaraq görürsünüzsə, onda demək ki, mən sizin tanrınızam!


--spoiler--

Qayanada qurulan cənnət. +9 .

1973cü ilin oktyabr ayında kilsənin idarə heyəti quruldu və səsvermə ilə cənubi amerikada, qayanada kilsənin bir şöbəsinin qurulması və kənd təsərrüfatı ilə məşğul olunması qərarları alındı. Dekabr ayı etibarilə ilk planlar reallaşdırılmağa başlandı, kaliforniyadakı kilsə isə hasarlamalar, silahla qorunmalarla filan daha çox hərbi bir quruma bənzəməyə başlayır.

1974də bir çox peoples temple üzvü qayanaya gedərək jonestown u qururlar. onların arxasından çox adam gələcəkdi.

constaun haqqında sənədli film üçün;



Jones ve Yuxarı yerlərdəki tanışları; +10 . * jonestownda peoples temple xoru.


o, 1975də Religion in American Life jurnalındakı siyahıda ölkənin ən məşhur 100 dindarı arasında yer almışdı.

1976ada Los Angeles Herald qəzetinin İlin xeyirxahı mükafatına layiq görüldü.

eyni zamanda San fransisko toplu mülk idarə heyətinin başçısı olaraq təyin edildi. bu işi asanlıqla əldə etməmişdi, artıq onun bir çox siyasətçi ilə münasibətləri formalaşmışdı. digər təriqət liderlərinin əksinə, o seçim kampaniyalarında belə artıq axtarılan ad olmağa başlamışdı.

zamanının First Lady Rosalynn Carter ilə belə görüşmüşdü və idarənin başına keçməsinin səbəbi George Moscone-un bələdiyyə seçkilərində qalib gəlməsində əvəzsiz rolu idi.

Jim, 1977də Jonestownu 2 dəfə ziyarət edir və Lynnə 12 avtobus dolu Peoples temple üzvü ilə geri qayıdır.

+11 . * jones joestownda.
jimin San Francisco Chronicle jurnalistləri ilə qurduğu yaxın münasibətlər təriqətin mediyadan alınan məlumatlar əsasında müsbət rəylər almasına səbəb olmuşdu. ancaq bəzi kiv işçiləri təriqəti daha yaxından araşdırmağa qərar vermişdi. Təriqətin köhnə üzvlərindən bəzilərinin verdiyi məlumata görə peoples temple üzvləri duyğusal, fiziki və cinsi istismara məruz qalırlar. təriqət barədə bu xəbərin yayılması artıq geniş mübahisə mövzusuna çevrilmişdi və təriqət böyük köçünü gerçəkləşdirərək constaunə yerləşməyə qərar verir. Sentyabr ayında 1000ə yaxın üzv constauna köçü reallaşdırır.
---------------------------------------------------------------------------------------------
O günlərdə San Francisco Chronicle qəzəti tərəfindən hadisələrin detalları belə izah olunur;
Ata Jones müridlərini bir araya gətirib və onlara artıq cənnətə doğru yola çıxmanın zamanı gəldiyini bildirib. “Başqa bir yerdə” deyə söz verdi “birlikdə olacayıq.” Kəlimələri jamestownun hər tərəfinə yayılırdı. “Ölümümüz şərəflidir. Bu yolda öləcək olan hər kəs üçün bu böyük bir tamaşadır!”
Jonesun məzhəbi içində ilk günlərdə sekslə məşğul olmasına icazə verilən tək insanın özü olduğunu bildirdiyi (ehtimal ki, partnyorlarına da icazə çıxmışdı.) təhsilli sosiobioloqların diqqətindən qaçmamışdı. Jonesun münasibətlərini bir katibə tənzimləyəcəkdi. Telefonu açıb “atamızın bunu etməkdən zəhləsi gedir, ancaq bunu etmək üçün biraz çətinlik çəkir, siz xahiş olunur ki…” deyəcəkdi. Qurbanları sadəcə qadınlar deyildi. Jonesun təriqətinin hələ san fransiskoda olduğu günlərdə 17 yaşındakı bir mürid oğlan bu kirli həftəsonlarında, keşiş olduğu üçün jonesa endirim edilən bir otel otağına necə aparıldığını danışdı. Otel otağı jim jones və oğlan üçün kirayələnmişdi. Uşaq nəql edir;
-Həqiqətən də ona qarşı hörmət, qorxu və çaşqınlıq duyğuları daşıyırdım. Bir atadan dahası idi mənimçün. Ana və atamı onun üçün öldürmək iqtidarında idim.

Cənab keşiş jim hones haqqında diqqət çəkici olan bir məqam daha özünə xidmət etdirən davranışından çox müridlərin insanüstü axmaqlıları idi. Belə ağlasığmaz axmaqlıqlar göz özünə alınanda hər hansı birinin insan zehinlərinin zərərli infeksiyalar üçün tamamilə müvafiq olduğuna kim şübhə edə bilər?

Richard Dawkins - A Devil's Chaplain (Bir Şeytan'ın Papazı) * türkcə versiyası var.

-------------------------------------------------------------------------------------------------
Bəyaz gecələr. +12 . * çıxış edir – jim jones.

jimə görə Jonestown mükəmməl bir kommunizm modeli idi. artıq peoples temple üzvlərinin təriqəti tərk etməsinə də icazə verilmirdi. qəsəbə əhalisinin dünya ilə əlaqəsi tamamilə kəsilmişdi. yuvalarında böyük bir səs-gücləndirici sistem var idi və bundan sadəcə jim istifadə etmək səlahiyyətinə malik idi. sonralar həyatda qalan təriqət üzvlərinin dediyinə görə jim gecə-gündüz istədiyi vaxt bunu istifadə edirdi, bəzən gecənin bir yarısı üzvləri yataqlarından qaldırıb söhbətləri ilə feyziyab edirmiş.

və bölgədəki təcrid olunmuş həyatın nümayəndələri jimin uzun müddətdir narkotik asılılığının fərqində idi. Sonralar oğlu, verdiyi açıqlamasında atasının amfetamin, marixuana, lsd təcrübələrinin olduğunu da etiraf etmişdi. "bəyaz gecələr" adını verdiyi çıxışları da narahatlıq mövzusu idi və jonesun Translation adını verdiyi inanca görə jones və təriqət üzvləri hamısı birlikdə öləcək və başqa bir planetə gedərək orada məsud həyat sürəcəkdilər.

jim jones təriqət üzvlərinin evlilik xarici cinsi münasibətlərini qadağa edirdi, amma həm kişi, həm də qadın üzvlərlə istədiyi zaman cinsi əlaqəyə girdiyi də məlumdur. həm də, özünü "yeganə əsl heteroseksual" olaraq təqdim etməsinə baxmayaraq bir kişinin homoseksual meyilliliyi olduğunu sübut etmək üçün hər kəsin gözü qarşısında təcavüz etdiyinə aid şahidlərdən alınan məlumatlar da var. jim, kişi üzvlərlə (və qadınlarla) girdiyi bu münasibətlərin onların yaxşılığı üçün olduğunu, bu şəkildə özü ilə simvolik bir münasibət qurduqlarını iddia edirmiş.

bu mövzudakı şikayətlər, intihar və təhdidlərlə dolu çıxışlar Concerned Relatives adlandırılan, jones əleyhdarlarını hərəkətə keçirdi. sakinlərdən narahat olan qohumlar vəlvələ içərisində idi və deputat Leo Ryan məsələ barədə xəbərdar edilmişdi.

13-15 oktyabr 1978ci ildə konqress üzvləri və heyətinin qayana ziyarəti;



13 oktyabrda başda ryan olmaqla nümayəndələr, narahat olan qohumlar, bir çox media üzvləri birlikdə helikopterə minərək constaunu ziyarət edirlər. onlara bəzi adamların təcavüz nəticəsində ölümü barədə xəbərlər gəlmişdi. 15 oktyabrda çatdılar. 17 oktyabrda ryan və heyət günortadan sonra ziyarəti reallaşdırdılar. Axşam da Port Kaitumada qaldılar.


--spoiler--


Bir dəyişiklik edib öz ölümümü görmək istəyirəm, artıq dözülməz işgəncədən bezmişəm. Bezmişəm!

--spoiler—

+13 .

Ziyarət qısa davam etmişdi. Üzvlərdən biri ryanı bıçaqlamağa çalışdığından, ziyarətçilər və onlarla getmək istəyən təriqət üzvləri təxminən saat 5 radələrində uçuş pistinə doğru tez-bazar yol almağa çalışırdılar. sadəcə 16 nəfər vertolyota minə bildiyindən, bir traktorun çəkdiyi, içi peoples temple üzvləri ilə dolu olan (jonesun verdiyi ad olaraq "qızıl tuqay") yük maşınından atəş açılmağa başlandı. ryan və 4 nəfər daha həyatını itirdi, qalanları yaralandı.

jim jones "bəyaz gecə" , yəni toplu intihar üçün hər kəsi "dəvət" etdi, ümumilikdə 913 peoples temple üzvü könüllü olaraq və ya təhdidlə sianid içərək özünü öldürdü. Ayinə əvvəlcə uşaqlara sianid içirilməsi ilə başlanmışdı. Bəli, bunlardan 300ü uşaq idi. fbi daha sonralar etdiyi araşdırmada, intiharın davam edərkən 45 dəqiqəlik videoyazılarını ortaya çıxardı.

Jonesun kütləvi intihar səbəbi üzərində təkidlə dayandığı "peoples temple üzvlərinə hazırlanan sui-qəsdlər" idi. insanlar paraşüdlə qəsəbənin üzərinə enəcək, məsum körpələri vuracaq, yetkinlərə və qocalara şiddət tətbiq edəcək və gəncləri faşist olaraq yetişdirəcəklərdi. intihar hadisəsinin başındakı bir üzvün christine millerin etiraz etdiyi, jonesun da özündən çıxaraq "sosialistlər və ya kommunistlər belə ölmürlər!" deyə bağırdığı da bilinir.



--spoiler--

İnsanlıq xarici bir dünyanın həyat şərtlərini rədd edən inqilabçı bir intihardır bizimki.

--spoiler--


+14 . * 2006 tarixli The Life and Death of Peoples Temple adlı sənədli filmdən görüntü. Jonesun başına bəla olan qəzet yazısı.

47 yaşında jim jones atəşli silahdan aldığı yara ilə öldü. 51 yaşındakı xanımı marceline və himayəsinə aldıqları uşaqları 36 yaşındakı agnes və 22 yaşındakı lew eric ilə ikisinin uşaqları da öldülər.

Fəlakətdən sonra jim jones yandırıldı və külləri atlantik okeanına səpildi. marcelinein nəşi riçmonddakı earlham qəbiristanlığına göndərildi. cənazəsi 8 yanvar 1979da gerçəkləşdi. Agnes ve Lew Ericin külləri də yanına basdırıldı. Nəvələri və digər Jonestownlu uşaqlarla birlikdə San Franciskodakı bir ümumi məzara basdırıldı.

Günümüzdə Jonesların uşaqlarından 4ü isə həyatdadır: Stephan, Jim Jr. , Suzanne və Tim Tupper Jones.

Jim Jonesa görə intihar inqilabçı bir fəaliyyət idi. Son çıxışında isə bu sözləri söyləmişdi:



--spoiler--

Həyatlarımızı bizdən al. Açıqca söylədik. Yorulmuşuq. İntihar etmədik biz. İnsanlıqdan kənar bir dünyanın həyat şərtlərini rədd edən bir intihardır bizimki.

--spoiler--

Peoples temple-ın hekayəsi isə Hollywoodun marağını çox da çəkməyib kimi görünür.

1979da çəkilmiş bir sömürgə-qorxu filmi Crime of the Century var.

+15
1980də isə TV üçün çəkilmiş Guyana Tragedy: The Story of Jim Jones adlı mini serial var. Serial, Charles A. Krauseun Guyana Massacre: The Eyewitness Account kitabı əsasında çəkilib. Serialın başında jonesun azlıqlara yardım etdiyi, irqçiliyə qarşı mübarizəsi görülür. bu savaşdakı əzmi diqqət çəkir. San Fransiskoya köçməsinin ardından daha çox diqqətçəkici hala gəlir və nuklear soyqırım fikrini vəsvəsə halına gətirdiyi üçün yüzlərcə insanla Qayanaya köç edir, ryanın araşdırmaları və qalan hekayə də bildiyimiz kimi.
Kongre üyesi Leo J. Ryan, bazı kişilerin isteği dışında öldürüldüğünü duyması üzerine Guyana'ya olayı araştırmaya geliyor ve gerisi bildiğimiz gibi.

Hər iki film , serial da ölkəmizdə yayımlanmayıb.

Jim Jonesun hekayəsi sənədli film olaraq da zəif qalıb.
1998ci ilə aid Jonestown: Mystery of a Massacre .
Bunu isə 2012yə qədər, TV üçün çəkilmiş serial olan "talking heads" dadında sənədli film izləyir. ən diqqət çəkəni isə:

- Jonestown: The Life and Death of Peoples Templedır. hansı ki, Stanley Nelsonın əlindən çıxıb.

Köhnə peoples temple nümayəndələri, jonestowndan qurtula bilənlər və jonesun tanıdıqları ilə aparılan reportajlardan ibarət olan tribeca film festivalında göstərilmiş və adı-sanı bilinməyən başqa bir neçə festivalda da qazancları var. Lakin klassik nəql tərzi ilə bədiilikdən daha çox bilgiləndirici kimi bir halı var və əslinə qalsa çox bir şey vəd etmir.

ədəbiyyatda isə;

***Jim Jones burada da bədiilikdən daha çox "non fiction" olaraq önə çəkilib. Mövzu ilə əlaqəli olaraq yazılan çoxlu akademik araşdırmanın yanına, kütlələrə xitab edən kitablar da var və demək olar ki, hamısı periodik olaraq hadisənin sirrlərini çözməyin arxasında düşüblər.

+16

yenə də, ən diqqət çəkənləri aralarında Tim Reistermanın 1982ci ildə nəşr olunmuş Raven: The Untold Story of Rev. Jim Jones and His Peopleıdır. və də pen almağı bacarıb.
Reisterman, apardığı müsahibələrdə jonesun əsl kimliyini və niyə bu qədər insanın onun arxsından getdiyini ortaya çıxarmağa çalışıb.

***oxuyuculardan maraq görən digər kitab isə Seductive Poison: A Jonestown Survivor's Story of Life and Death in the Peoples Templedır. adı biraz uzun olsa da, az şeyi izah etmir, inanın.

Deborah Layton köhnə bir peoples temple üzvüdür. həm də üst məqamlardan. 7 illik üzvlükdən sonra layton * müəllif jonestowna gəlib, insanların durmadan kütləvi intihardan bəhs etdiyini görüb. qalanı isə laytonun qaçış hekayəsidir.

*** və New York Timesın bestseller yazarı Julia Scheeresdan A Thousand Lives: The Untold Story of Hope, Deception, and Survival at Jonestown .

Yazıçı fbi sənədlərini, səsyazmaları, nadir tapılan video görüntüləri və reportajları birləşdirərək kitabını meydana çıxarıb. araşdırma xüsusile peoples temple üzvü olan 5 nəfərin təcrübələrinə əsaslanır: Coloradolu bir orta məqamlardan İngilis dili müəllimi, Alabamalı ahıl bir Afro-Amerikan qadın, fələyin çənbərindən keçmiş Oaklandlı gənc bir qara dərili və orta sinif bir ata ilə oğlu.
Scheeres tək-tək bu adamların təriqətə qoşulma səbəblərini açıqlayır və daha nələr nələr.

və sizə pis bir xəbərim var, bu kitabların tərcüməsi nə türk, nə azərbaycan dilində mövcud deyil.

Və sizə bir pis xəbərim daha var, bu inancların, məzhəblərin yer üzündə gəlmiş-keçmiş ilk və tək, ən
böyük qətliam falan da deyildir. Hadisələri araşdırsanız hamısının ən az bir neçə nümunəsinin daha olduğunu görə bilərsiniz, sorğulayıcı kimliyinizi içinizdə boğmasanız.

Və sizə bir pis xəbərim daha var, məzhəblər belə çirkablıqları hələ də sevirlər və bu kimi nümunələr təkcə oxuyub məlumat almaq üçün deyil, nəticə çıxarmaq üçündür bu yaxın keçmişdən. Prezervativlərinizi heç olmasa 6 aydan bir dəyişin!

davide moscardelli | idman