S Ö Z A L T I

javascript | proqramlama

JavaScriptə aid "Telegram"da paylaşdığım kitabları sizə də lazım ola bilər deyə burada da paylaşıram.

Aşağıda kitabların PDF-lərinin linklərini bölüşmüşəm, birbaşa yükləyib istifadə edə bilərsiniz.

• "JavaScriptlə proqramlaşdırma dünyasına giriş" kitabı:
https://lnkd.in/eePBfFkC (azərbaycancadır)

• "JavaScript Data Structures and Algorithms" kitabı:
https://lnkd.in/ePWeMptx

• "Eloquent JavaScript" kitabı:
https://lnkd.in/ebSiNafH

• "JavaScript Notes for Professionals" kitabı:
https://lnkd.in/eTN5WqhY

• "Speaking JavaScript" kitabı:
https://lnkd.in/e_TabAM7

• "JavaScript Everywhere" kitabı:
https://lnkd.in/ejUbYkAE

• "JavaScript for impatient programmers" kitabı:
https://lnkd.in/evuew4MM

• "JavaScript for beginners" kitabı:
https://lnkd.in/egaTTGjV

• "Hands-on JavaScript for Python Developers" kitabı:
https://lnkd.in/edqbyVQf

• "JavaScript from Beginner to Professional " kitabı:
https://lnkd.in/eed4qg-g

• "Simple JavaScript" kitabı:
https://lnkd.in/eeBBxVwP

• "JavaScript" adlı kitab:
https://lnkd.in/ejwMeDBp

28 may 1997 b.dortmund - yuventus matçı | idman

1996-97 Uefa çempionlar liqasının finalı. Hazır dortmund da finala çıxmışkən yad ediləsi oyunlardan biridi. Bura qədər 1995 və 1996 bundesliqa çempionu olan Dortmund o sezon b qrupunda 6 oyuna 4 qələbə, Polşanın widzew lodz klubu ilə 2-2 heç-heçə və evdə atleticoya 1-2 hesabla məğlub olaraq 13 xal və averajla Atletico Madridin gerisində 2-ci olmuşdu. Juventus isə c qrupunda 5 qələbə və səfərdə Rapid wienlə 1-1 qalaraq 1-ci olmuşdu. Yeri gəlmişkən, fənərbağçanın Manchester unitedi elvir boliçin qoluyla 1-0 məğlub etdiyi həmin o məşhur oyun da bu qrupda baş vermişdi. Bununla da Unitedin Avrokubok oyunlarında Old Trafforddakı 40 illik məğlubiyyətsizlik seriyası başa çatmışdı.
4/1-də dortmund 1996-cı ilin Fransa çempionu və öz qrupunu 1-ci bitirən Auxerre-i rahatlıqla 3-1 və 0-1 hesabı ilə keçir. Yuventus da nisbətən rahat rəqib olan norveçin rosenborg klubunu 1-1 və 2-0 la keçir. ( deyirəm dönəmin çempionatlarına baxe. İndi nəinki Rosenborgu və Auxerre-i hətta o dövrün güclü Hollandiya klublarını da 8/1-də görmək çətin məsələdi. Türklər demiş makas çox açılıb.) yarımfinalda borussiya Manchester unitedi hər iki oyunda da 1-0 məğlub edir. Maraqlıdı ki, bu matçlar 2024 sezonunun psg ilə olan oyunlarının kopyasıdı. Juventus 1996-cı ilin finalında qalib gəldiyi Ajaxı 1-2 və 4-1 hesabı ilə darmadağın edir. Bu arada Ajax da 1994-95 çempionlar liqası çempionu idi. İzlədiyim ən yaxşı Ajax komandalarından biri idi. Milanı həm öz qruplarında 2 dəfə, həm də finalda keçmişdilər. Z kuşağı nə var bunda? Milan onsuzda zəifdi desə də, söhbət əfsanə milandan gedir.
Və 28 may 1997. Bavariyanın keçmiş evi Münhen olimpiya stadionu. Möllerin, kohlerin, riedlenin, chapuisatın və baş məşqçi ottmar hitzfeldin dortmundu deşamın, zidanın, vierinin, Del pieronun və əfsanəvi baş məşqçi, bundan 9 il sonra İtaliya milli komandasına dünya çempionluğu qazandıran marçello lippinin yuventusuna qarşı. Əlbəttə ki, keçən ilin çempionu Yuventus favorit idi. Amma 29-cu və 34-cü dəqiqədə euro 1996-da ingiltərənin xəyallarını puç edən Karl heinz riedle səhnəyə çıxdı. Yuventus şok olmuşdu. 1-ci dövrə belə bitdi. 2-ci dövrədə isə nələr oldu nələr. Zidanın dirəkdən dönən topu, vierinin əl ucbatından sayılmayan qolu və del pieronun əla daban qolu. Hesab 2-1 olmuşdu. Amma 70-ci dəqiqədə Chapuisatın əvəzinə meydana daxil olan və bütün karyerasını yalnız Borussiya dortmunda fəda edən Lars Ricken abimiz oyuna girdi. Və girəndən 16 saniyə sonra çempionlar liqası finallarının bəlkə də ən yaxşı qolunu vurdu. Yuventusun qapıçısı peruzzi çox öndə dayanırdı oyunlarda. Bunu görən möller pası Rickenə verir və Ricken xarüqə yaradır. 20 dəqiqə sonra isə oyun bitir. Və dortmund tarixinin ilk çl finalında qalib olur. Haşiyəyə çıxım: 2013-də bavariyaya uduzan dortmund da pis komanda deyildi. Sadəcə bəxtləri gətirmədi. Bu il isə Real madridlə işləri çox çətin olacaq. Çempionluq xəyaldır. 27 il öncə də xəyal idi amma bacardılar. Görək bu il necə olacaq.

Əfsanəvi fosforlu sarı forması ilə Dortmund komandası


Həmin o məşhur vuruş



Seremoniya





Bu da türkçə icmal

https://www.dailymotion.com/video/x60fuiv

tissot prx | texnologiya

Son illərin ən "xod" gedən qol saatı. Ölkəmiz standartları üçün baha olsa da 1000 dollardan ucuz olduğu üçün birinci dünya ölkələrində "affordable" seqmentinə daxil olur.


Tissot, saatın dizaynının 70-ci illərdə satdığı tissot seastar modelindən götürüldüyünü deyir.

Amma həmin seastar modelinin dizaynının da Audemars Piguet royal oak-dan ilhamlandığını hər kəs yaxşı bilir.

Saatın bilərziyi royal oak-da olduğu kimi inteqrasiya olunmuş bilərzikdi. Yəni bilərziyin saatın gövdəsinə birləşən birinci parçası gövdəyə inteqrasiya olununub və tam qatlanmır.

Elə bu səbəbdən də saatın ayaqdan-ayağa (lug to lug) uzunluğu xeyli böyükdü. Belə olan halda qol ölçünüz incədisə saatın bilərziyi qolunuzdan kənara "daşır".

Normalda 42-43 mmlik saatları rahatlıqla taxan mənim belə biləyimdə 40 mmlik versiyası böyük görünürdü. Ona görə alarkən taxıb yoxlamaq lazımdı.
Kvars versiyada sferblat sadə dizayndadı. Xəfif sunburst effekti var.

Mexaniki versiyada isə vafli dizaynına sahibdi

Saatla bağlı ən böyük müzakirə mövsuzu içindəki mexanizmdir. Powermatic 80 mexanizmi 80 saat enerji rezervi versə də mexanizmin bəzi detallarının plastik olması fikir ayrılığına səbəb olub. Bəziləri plastik detalların metal detallar kimi bir-birinə sürtünərkən yeyilmədiyini və buna görə uzunömürlü olduğunu deyir. Bəziləri də plastik detalların aztapılan olduğu üçün saatın təmirinin çox çətin olduğunu deyir.
Saatın populyar olmasına görə tonla fərqli rəngi və versiyası mövcuddu.
35 və 40 mm-lik kvars versiya

35 və 40 mm-lik mexaniki versiya

42 mm-lik mexaniki xronoqraf versiya


Və ən bərbad versiya olan digital versiya


Alternativi üçün (baxma: citizen tsuyosa)

javascript | proqramlama

28 may 1997 b.dortmund - yuventus matçı | idman

tissot prx | texnologiya

ray ban | sağlamlıq

1984-85 serie a sezonu | idman

red hot chili peppers | musiqi

kodak

logo ★ wiki

markanın təcəssüm etdirən simvol, emblem.

mənalarını, haradan gəldiyi barədə biraz məlumat; * bəzi şirkətlərin loqosu sadəcə adından ibarət olduğunu nəzərə alaraq baxılması gərəkdir.

maraqlı hekayəsi olan. ;

- apple * 1976 - adını qurucusu steve jobsdan almışdır. bu ad ən maraqlısı və qalmaqallısı olsa gərək.

versiya 1) kasıb ailənin övladı olan stiv məktəb vaxtı hər zaman çantasında başqalarından fərqli olaraq alma götürərdi, heç vaxt çantasından alma əksik olmazdı. ad qoyma günündə bundan ilhamlandığı deyilir.

versiya 2) kompyuterin atası sayılan alan turing ilə əlaqəlidir. Macintoshçular etiraf etməsə də, bu, dişlənmiş alma loqosunun da məntiqli açıqlaması olan versiyadır.

almanların enigma şifrəsini həllindən, müharibədən sonra turinqin başına faciəvi hadisə gəlir. dahi riyaziyyatçı homoseksualdır və bir gün yaxalanır. o dönəmlər ölkəsində çox ciddi bir məsələdir bu və ona şans verilir, 2 seçim təqdim edilir: həbs və ya dərmanla xüsusi üsulla xədim olunmaq.
ona bu alternativlər çox qəddarca gəlir. çıxış yolu olmadığını görən turinq bir almanın tərkibinə iynə ilə güclü bir zəhərli maddə qatır və bir dişlək sonra intiharını gerçəkləşdirir.

versiya 3) bir şəhər əfsanəsinə görə Steve Jobsun sevgilisi xarab bir almadan zəhərlənərək öldüyü üçün bu adı qoymuşdur.

versiya 4) daha bir inandırıcı variantdır: steje jobs ciddi şəkildə bir beatles heyranıdır və beatlesin səsyazma şirkəti olan apple corps.dan ilhamlanaraq şirkətinə bu adı qoymuşdur. bu səbəbdən 30 il davam edən apple inc və apple corps arasında gedən məhkəmə birincinin qələbəsi ilə 2007də başa çatmışdır.

versiya 5) şirkətə ad qoymaq üçün məsləhətləşmələrin olduğu vaxt steve jobs (bioqrafiyasında yazılanlara görə) dietada imiş və alma günlük qida rejiminin əsas hissələrindən birini təşkil edirmiş. və bu linkdən də makintoşun əslində bir alma növü olduğunu, elə bu alma növünün stiv müəllimin ilham qaynağı olduğu söylənir.

+ adəm-həvva cənnətdə alma ağacı hekayəsi dişlənmiş hissə ilə əlaqələndirilir.

- google * 1998 - yaradıcıları larry page və sergey brindir. və googol rəqəmi, yəni 10 üstü 100-dən gəlməkdədir. googol adının çətinliyini nəzərə alaraq, Google adını seçmişlər.

Hekayəsi; 2 dost axtarış motoru çatışmazlığının fərqində olaraq çalışmalar edib, zamanla proyekt üçün sponsor axtarmışlar. Özləri kimi Stanford universiteti məzunu Andy Becholmsheimdan yardım almaq qərarına gəlib, ancaq onunla heç cür qarşılaşa bilmirmişlər. Bir gün yenə onu axtararkən arxalarından gələn, “bəli mənəm” kəlimələrini eşidib qısa zamanda bütün fikirlərini, ideyalarını və bütün proyekti izah etmişlər. Andynin onlara güvənməsinin nəticəsi olaraq, 100.000 $lıq bir çek gəlib və 2 dost ümidləri doğruldub.

- yahoo * 1995 - yaradıcıları jerry yang və david filodur. adı, Yet Another Hierarchically Officious Oracledan gəlir. qısaltması daha xoşdur. başqa variant isə, conatan sviftin Quliverin macəralarında çox işlədilən yahoo sözüdür ki, tərcümə olaraq "kobud" , "umbay" , "yaxçı oğlan" olaraq verilə bilər.

- coca cola – yaradıcısı əczaçı John Stith Pembertondur əslində. Mədə xəstəliyi olan John müxtəlif qarışıqlar yoxlayaraq öz xəstəliyinə çarə tapmaq üçün uzun araşdırmalar edincə, bir gün bu qarışıqlardan birinin dadının qəşəng olduğunu görüb. Ancaq xəstəliyinə bir xeyri olmasa da, bundan hazırlamağa davam edib, satmağa qərar verib, günlük 5 stəkana yaxın satırmış. Mühasib Frank Robinsona içkini təqdim edib, sonralar zamanla 2 C – nin xoş göründüyünü nəzərə alaraq, mənası “nəfis və təzə” olan, indiki coca cola logosunu, öz əlyazmaları ilə tarixə həkk etmişlər.

Ferrari – qurucusu enzo ferraridir.
Enzo Ferrari birinci dünya müharibəsində 18 yaşında ailəsini itirir. Yalnızlığın gətirdiyi qorxusuzluq ona pistlərdə qələbələr sıralamağa kömək olur, yarışçılıq ruhu ortaya çıxar. Sonralar ailə edinər, övladı olar, sürət bağlılığını üstələyər, pistlərdən uzaq düşər. Artıq alfa-romeonun əfsanəvi yarışçısı deyil, avtomobil fabrikasında yüksələrək qazanclarla və itkilərlə dolu yolunun nəticəsi olaraq, idman direktorudur. Yarış maşınları üzərində çalışmalarına davam edər, elə bu səbəbdən zamanla alfa romeodan ayrılar. Öz şirkəti auto avio costruzioniyi qurar.Yarış komandaları satışına başlayar, öz avtomobilini yaratmağı hədəfləyər.Ancaq tale 2ci dünya müharibəsini qarşısına əngəl olaraq çıxarar. İllər sonra Ferrari Modena 360 Enzonun qaralamalardan yaradılmışdı. 1946dı ildə özünə bir atelye açar və yenidən Ferrari qurular. Ferrari pistlərin kralı olmaqda davam edər. İş professionallaşdıqca maliyyə qismində çətinliklər baş qaldırar, enzo Ferrari bir İtalyan mafiyasından borç alar. Borçlarını ödəyə bilməz, cavab olaraq oğlu dino zəhərlənərək öldürülər. Ancaq məhkəmələrdə sübut edilə bilmir, 24 yaşlı oğlu, əzələ xəstəliyindən ölmüşdür. Maddi çətinliklər davam edər, Ferrari Fiata satılar. Şirkətin qurulmasından 41 il sonra Enzo Ferrari vəfat edər.
Maraqlı bir fakt daha; deyilənə görə ən bəyəndiyi model F40 idi. Və bu model arabaya ilk sahib olan Diego armando maradona olmuşdu.

Loqosu isə 1923cü ildə bir italyandan hədiyyə olan bir atdan gəlməkdədir. Loqodakı əsas rənglər olan sarı və qırmızı eyni zamanda firma sahibinin yaşadığı şəhər olan Modenanı və yarışa olan sevgisini göstərməkdədir.

- Marlboro - #51656

- Reebok – adını cənubi afrikadakı bir antilop cinsi olan rhebok dan almışdır.

+ Pepsi – adını deyilənə gör, mədənin makroproteinləri mikroproteinlərə və böyük molekulları parçalama funksiyası görən fermenti pepsindən almaqdadır. pepsin .

- Skype – ilk adı sky-peer-to peer olmuşdu, sonra skyper, sonra da skype olub. İndi el arasında skaypi deyilir.

- Ebay – echo bay technology group adlı şirkət echobay.com saytını istifadə etmək istədi və bunun başqa şirkətlər tərəfindən alındığını gördü. İkinci alternativ olaraq adı qısaltdılar və ebay olaraq qərarlaşdırıldı.

yer adları ;

- nokia * 1865 - şirkətin 1967ci ildə birləşən finnish rubber works * 1898 və finnish cable works * 1912 birləşməsi ilə təməli qoyulsa da , tarixini yada salaraq adı düşünülmüşdür. belə ki, nokia adının 19cu əsrin ortalarında ilk rəsmi işlərin görüldüyü və şirkətin qurulduğu, finlandiyadakı nokianvirta çayı yaxınlığında yerləşən Nokia dan gəldiyini bildirmək lazımdır.

kombinasiyalar ;

- sony * 1946 - şirkətin qurucusu akito morita əməlli-başlı əziyyət çəkib. deməli əvvəl totsuko qoyub şirkətin adını. sonra görüb ki, amerikalılar tələffüzdə çətinlik çəkirlər, adı tokyo teletech olaraq dəyişib. sonra abşda teletech adlı şirkət olduğunu öyrənincə apple kimi dirəşmək yerinə latıncadakı səs (sonus) və ingiliscədəki övlad (sonny) sözlərindən sözündən mənşəyini alan sony adını yaratmışdır.

- microsoft * 1974 - qurucuları bill gates və paul allendir. adı, microcomputer and software dən gəlməkdədir. əvvəl bu sözlərin arasında tire olsa da, zamanla yığışdırılmışdır.
Ancaq bundan əvvəl 1972ci ildə Traf-O-Datanı qurdular. O zamanlar bütün bir proyektdən 20.000 dollar qazanan Gates indi saniyəsinə 250 dollar qazanmaqdadır.

-motorola * 1928 - ilk yarandığı vaxtlar avtomobillər üçün radio istehsal edirdi, buna görə də motor və the victrola dan gəlməkdədir.

- vodafoneun loqosunun qırmızının üzərində 6 hərfinin olması şeytani rəmz olaraq simvolizə edilir bəzən. Adını isə voice+data+telephone-dan alıb

- vakko – Vitali və alber adlı 2 qardaşın baş hərflərinin və hakko soyadlarının birləşərək yaratdığı markadır.

- Duracell – duration + cell.

baş hərflər ;

- lg * 1958 - 1947ci ildə şirkəti quran lak-hui (lucky) dayının sonradan birləşdiyi koreyalı goldstar şirkəti ilə adlarının baş hərflərinin kombinasiyasından gəldiyi bilinir.

- hp * 1939 - qurucuları bill hewlett və david packarddan gəlməkdədir.

-Comedy Central – loqosu iç-içə keçən tərs 2 C-dən ibarətdir əslində diqqətlə baxılsa.

qurucusu və ya rəhbərindən * öz adını və ya başqasının adını qoyub ;

- nikon * 1917 - nippon kogakudan gəlməkdədir.

- oracle * 1977 - qurucularından olan larry ellison başqa şirkətdə işləyərkən eyni adlı proyektdə vəzifə tutmuşdur. bu adı təklif eləmiş və qəbul olunmuşdur. oracle eyni zamanda qədim yunan və roma sivilizasiyalarında qeybdən xəbər verən kahinlərə verilən addır.

- Nestle * 1866 – adını qurucusu Henri Nestledən almışdı. O bir əczacı idi və əmizdirilmə problemi olan uşaqlar üçün uşaq maması inkişaf elətdirdi. Bu, ana südünə bənzəməsə də, bir çox uşağın həyatını xilas etməyə yarayınca məşhurlaşmışdı. Farine Lactee Henri Nestle avropanın bir çox yerində satılmağa başladı. 39 il sonra bir isveçrəli süd şirkəti ilə müqavilə sonrası bütün dünyada fabriklər qurulmağa başlayır və bugünkü halına doğru gələn uzun yolu keçir.
(baxma: Good food, good life)

- mercedesin loqosundakı 3ə ayrılan işarə havadakı, sudakı və qurudakı hakimiyyətini ifadə edir. Emblemin yaradıcısı Daimlerdir. adının hekayəsini eşşəyimizin qurd dayısı belə bilir artıq.

- fendi adı İzmirli kökənlərinə dayanan ailənin “Efendizade” sözündən F başlığını ataraq zamanla formalaşmışdı.

- ALFA ROMEO - Alfa Romeo loqosu məşhur Visconti ailəsi ilə əlaqəldir. Qırmızı xaç zadəgan nəslini, ağ arxa plan isə xalq və kəndliləri, işçi qüvvəni ifadə eliyir. Tac geymiş ilan ailənin gerbindən alınıb. (baxma: nicola romeo)

- audi – loqodakı 4 halqa, üzük ittifaq qurmuş 4 firmanı simvolizə edir. Audinin adını da august horch vermişdir.


bayer – 1863də boya emalatçısı olaraq fəaliyyətə başladı və 1881də kimyəvi maddə istehsalı üzərində mərkəzləşdir. 1899da aspirini satışa təqdim etdi. 1 il sonra bu loqonu ortadaki y üstünlüyündən yararlanaraq yaratdı. (baxma: friedrich bayer).

- lacoste – məşhur bir tennisçi və moda stilist olan rene lacoste 1926cı ildə çempionatı qazananda özünün dizaynı olan bir köynək geymişdi. Köynək nəmi tutan yüngül qumaşdan idi. 1 il sonra Davis Cupda timsah dərili bir çamadan üzərinə etdiyi mərc səbəbilə Amerikan mediası ona “timsah” ləqəbi qoymuşdu. Dostu Robert geore kortlarda geyindiyi bir geyimə bir timsah şəkli çəkdi və timsah loqosu da bu şəkildə yaranmış oldu.

- Levi’s - Levi Straussun hekayəsidir. Böyük qardaşının Nyu-Yorkda bir tekstil işinin bir şöbəsini açmaq məqsədilə Nyu-Yorkdan San-Fransiskoya az məhsulla yola çıxan Levi, çatanda bir adamla rastlaşır və o böyük hadisə baş verir. Qarşılaşdığı adam Straussun nə satdığını öyrənmək istəyir. Strauss ona çadır, maşınları örtmək üçün kətan parçası olduğunu deyir. Aldığı “Şalvar gətirməli idin!” cavabı ilə qarşılaşar, adam dayanıqlı şalvar tapa bilmədiyindən şikayətlənər. Bundan sonra 1873də o, tikişli cib modelinin istifadəsinə başlayar.

- Michelin - Edouard Michelinin hekayəsidir. 1984cü ildə bir sərgidə üst-üstə yığılmış avtomobil şinlərini görüb “qolları da olsa adama oxşayacaq” deyərəkdən yola çıxıb. Şəklini reklamcısına təsvir etdirib, sifariş uğurlu alınıb. Beləcə də məşhur bibendum yaranıb.


- opel * 1863 – adam opelin adından gəlməkdədir. Əvvəl tikiş maşınları və velosiped istehsal etsələr və 36 il sonra avtomobil istehsalına keçdilər. Təkər güvən, şişmək sürət rəmzidir.

- peugeot – ilk ikişi mişar və mişar lövhələri istehsal etmək olub. Şir, güc rəmzi olaraq seçilib Fransızlar tərəfindən və istehsal etdikləri maşınların simvolizə edilməsi üçün istifadəsinə başlanıb.
(baxma: armand peugeot)

- renault – loqosu əlində kubist bir paxlavanın rəsmidir. Loqonun quruluşundan 60 il sonra 90cı illərdə təzədən kiçik dəyişikliklər edilsə də, loqo özü klassik və durğun şəkli ilə gələcəyi simvolizə edir.

(baxma: Louis Renault)
(baxma: Marcel Renault)
(baxma: Fernand Renault)

ROLLS ROYCE – Henry royce 1884cü ildə elektron və mexanika məhsulları istehsal edən bir fabrik qurur. 1904cü ildə ilk avtomobilini hazırlayır. Eyni ildə londonda avtomobil satan Charles rollsla tanış olur, birləşirlər. Adları qurulur. Firmanın loqosu isə 1911ci ildə zəriflik rəmzi olaraq dizaynerin sevgilisini təmsil edir. Original adı “yeniliyin ruhu” * spirit of ecstasy dir. Şəklə başqaları isə “emily” adını verir.

Shell – marcus samuelin hekayəsidir. O, Londonda təbiət heyranları üçün kiçik mağaza açır əvvəlcə. 1833cü ildə ata mağazada işini görərkən, oğlunu yemək bişirmək və daha çox öyrənməsi üçün uzaq şərqə göndərir. Beləcə böyük uğurların təməli qoyulur. 1892də artıq ilk tankerini tutaraq 4000 ton rus qaz yağını sinqapur və banqkoka çatdırır. * adı isə ingiliscədən gəlməkdədir bilindiyi kimi

- Suzuki – loqosu bir yarışmanın nəticəsi olaraq ortaya çıxıb. Firma işçiləri “S” hərfinə uyğun olaraq yüzlərcə emblem arasında bunu seçir və 1961ci ildən bəri emblem Suzuki markasını təmsil edir. (baxma: Michio Suzuki)

- Wendy's - adı qurucusu dave thomasın qızı melindanın ləqəbindən gəlməkdədir.

- Walmart - adı qurucusu sam waltondan gəlir.

- Toshiba – ilk adı Tanaka Seizo-Sho idi * 1875 , sonra Tokyo Denki * 1899 , daha sonra isə Tokyo Shibaura Electric * 1939 olaraq dəyişikliklərlə bu hala gəlmişdir.

- Sharp – adını qurucularından birinin ilk icadından almışdır. “the ever sharp mechanical pencil” . 1925ci ildə bazara girəndə yaponiyadakı 2 kristal radio istehsalçısından biri idi sharp.

- Danone – qurucusunun oğlu danielin katalonca qısaltması olan danon-dan gəlir.

- Adidas – yaradıcısı adolf dasslerdən gəlməkdədir. Yalançı adı “adi” və soyadının ilk 3 hərfindən yaranıb. Şirkəti Rudolf, qardaşı ilə birlikdə yaradıb. Amma rudolfla 2ci DM sonra aralarında düşən mübahisə sonrası ayrılırlar. Rudolf Pumanı qurur.

abbreviatura olaraq ;

- ibm * 1911 - international business machines.

- sap * 1972 - almancadan systemanalyse und programmentwicklung ibm 5 köhnə işçisi tərəfindən yaradılıb.

- bp – beyond petrolium. quruluşunu William Knox D’Arcyə borçludur. İlk dəfə məhz o Bəsrə körfəzinin neft rezervlərinin fərqində olaraq yatırım edib və şirkət indiki halına qədər gəlib çıxmışdır.

-BMW - bayerische motorenwerke. Loqodakı Mavi və ağ rənglər, ilk hazırlandığı Alman şəhəri Bavariyanıı simvolizə edir. Logodaki parlaqlıq isə havalı pərvanənin dünyada birinci dəfə beemve tərəfindən yaradıldığını göstərir. Birinci dünya müharibəsi zamanı təyyarə motorları istehsalı edirdi. 1923də yaradılan R 32, markanın ilk motosikletidir, 6 il sonra isə ilk avtomobili Dixinin istehsalına başlanmışdı. Loqo tam 87 ildir qorundu və bugünə qədər sadəcə kiçik ayrıntılarda dəyişikliklər edildi.

OMO – old mother owl deməkdir.

3M Minnesota mining və manufacturingdən gəlməkdədir.

JVC – 1927Cİ ildə Yokohamada qurulan şirkəti nadı Japanese Victory Companydir. Kökü isə Victor Talking Machine Company-ə qədər uzanır. İlk illər fonoqraf istehsal etsələr və sonralar vhs video recorder, tv bazarına da girdilər.

İntel – integrated electronics-in qısaldılmış halıdır.

İKEA – İK + EA-dan gəlir. İK = ingvar kamprad (qurucunun adıdır.) və EA = elmtaryd agunnaryd (böyüdüyü kənd.)

msn - The Microsoft Network.

maraqsız və dəxlisiz ;

- facebook * 2004 - adı, yaradıcısı Mark Zuckerberg bir ABŞ universiteti tələbəsi olduğu üçün, universitet tələbə, müəllim və işçilərinin doldurduğu paper facebookdan gəlir. İnkişafı hekayəsi üçün the social network filmini izləmək məsləhət görülür.

- twitter * 2006 - tvitter quşunu təmsilən, cikkilti mənasına gəlir.

- Canon – bir şirkət olmaqdan başqa precision optical instruments laboratory şirkətinin bir markası olan canon, 1930cu ildə kamera istehsalına başladı. Bu kameralar “the kwanon”adı altında istehsala başlandı, 1935ci ildən sonra dünyada tanına bilməsi üçün yerini ticari marka “canon”a buraxdı. Bənzər anlamlara gələn kwanon və canon, ingiliscədə criterion olaraq keçən kriteriya kəliməsindən gəlir.

- Amazon – jeff bezos virtual alış veriş mərkəzinin adında A hərfinin önə çıxmasını istəyincə sözlükdə adlar axtarmağa başlayıb və amazon seçib, çünki ən az o qədər böyük olmasını istəyirmiş şirkətinin bla bla bla.

başqa dildən ;

- samsung – koreya dilində 3 ulduz kəliməsindən gəlir. Byung-Chull tərəfindən qurulan Samsung-Sanyo Electric Company şirkəti 1939da meyvə-tərəvəz ixracatı ilə məşğul olan bir keçmişə sahib olsa da, 70ci illərdə tekstil və tikinti sektoruna girən samsung rəngli televizorlar istehsalına başlamış, sonralar təyyarə istehsalına,kiçik video recorderlər ixracı ilə və sairə davam etmişdir, indi isə ən nəhəng texnologiya şirkətlərindəndir. * baxmayaraq ki bu aralar əməlli-başlı böhran dönəmindədir.

- LEGO – vaxtilə bir dülgər olan Ole Kirk Christiansenin hekayəsidir lego. O , bölgəsindəki fermerlərə evlər və mebellər hazırlayaraq keçinirdi. Bir dəfə atelyesi yanğında yandı, sonra daha böyüyünü inşa etdikdən sonra bu dəfə də iqtisadi krizisdən öz payını aldı. İstehsal xərclərininin minimizasiyası üçün məhsulların miniatür versiyalarını hazırlamağa başladı və ona oyuncaq hazırlamaq üçün ilham oldu. Bu şəkildə 1932ci ildə uşaq oyuncaqları istehsalına başladı.
adına gəldikdə isə, leg godt = daniş dilində "qəşəng oyna" * play well deməkdir.

- mistubishi – 2 yapon ailə tərəfindən qurulub. Loqosu isə 3 qanadlı paxlava kimidir, samuray gerbindən ilhamlanaraq hazırlanmışdır və mənası “centilmenlik, məsuliyyətlilik və cəmiyyətlər arası dostluq”dur. "mitsu" 3 deməkdir,"hishi" ("bishi" olur zamanla) is' budur və əslində loqo rombu burdan gəlir.

- Nissan – loqo yapon bayrağı əsas alınaraq hazırlanıb, dürüstlük və səmimiyyət rəmzi olaraq simvolizə edilir.
ilk adı Masujiro Hashimoto tərəfindən qoyulub. əvvəllər ailə üzvlərinin adlarının akronimi, Kenjiro Den, Rokuro Aoyama ,Meitaro Takeuchi dən gələn ad, Kwaishinsha Motorcar Co., Ltd-nin yerinə keçərək DAT Jidosha & Co., Ltd. olur, bu sırada abşda Jitsuyo Jidosha Co., Ltd. adı ilə də fəaliyyətlər davam edir. Nissanın nissan olması üçün əslində başqa qarışıq hadisələr, səhm alış-verişləri girir söhbətə. sun - günəşdən Datsun, Dattosan-a dəyişir. Tobata Casting halına gəlir Aikawa ilə birləşən vaxt.
və 1928, Yoshisuke Aikawa Nihon Sangyonu gətirir. nəhayət 1934də bu ad, Nissan Motor Co., Ltd. formalaşır. əslinə qalsa bu, abbreaviatura olub, Nihon Sangyo üçün birja bazarı mənasına gəlir.

- rolex – loqo Hans Wilsdorfun xəyal gücünün təsviridir. Adın üstündəki tac, saat ustalığının rəmzidir, 5 barmaq şəklindəki çıxıntılarda isə saat ustasının hünərli barmaqları simvolizə olunur. adı isə özündən 7 il əvvəl qurulan bir şirkətdən də gəlmiş ehtimalı ola bilər. amma daha inandırıcı - Wilsdorf hər dildə rahat tələffüz olunan bir kəlimə axtarırmış həm də. qəbul eləməsə də, fransızcadakı horlogerie exquise , yəni horologik, mükəmməl zaman ölçümünü ifadə edən frazadan gəldiyi də söylənir.

-skoda – dairə içindəki qanadlı ox, xəyal etməyi, etina göstərməyi, sürət və irəliləməyi simvolizə edir. Firma loqosu ilə bütün bu özəllikləri birləşdirdiyini göstərməyə çalışır. çexcədə zərər * əsas mənası , utanc, mərhəmət mənasına gəlir.

Nivea – adı latıncadakı “nivin” sözündən gəlməkdədir.

Panasonic – national olaraq keçir yaponiyada, ancaq 1918ci ildən bəri ortaya çıxışından, abş bazarında national markası çox olduğundan dünyaya Panasonic olaraq tanıdıldı.

Volkşagen – almancadan camaatın maşını mənasına gəlir.

Nintendo – yaponcadan nin – buraxılmış, tendou – cənnət mənasına gəlir.

Saab – adını “isveç havayolu şirkəti”ndən almışdır. * senska aeroplan aktiebolaget

mifoloji mənşəli ;

- starbucks – loqosunu yunan mifologiyasında sirenlər dən almışdı. Loqonun yaradıcısına ilham verən də elə moby dickdə melvillein təsvir etdiyi starbucklar idi.

- versace – adını qurucusundan, loqosunu yunan mifologiyasındakı medusadan almaqdadır.

- Nike – bu, işçilərindən biri olan Jeff Johnsonun hekayəsidir. Bir gün yuxusunda yunan mifologiyası zəfər, qələbə ilahəsi Nika nı görən Jeff, müdiri Phil Knightla söhbətləşərək məhsulu “Dimension 6”nın adını bu yuxu səbəbilə dəyişdirməsinə nail olur. Məşhur idman mağazası Nike adını alır, loqo isə 35 dollara bir tələbəyə hazırladılır.
yeri gəlmişkən, "nayki" deyə tələffüz olunur.

- volvo – adını tanrıça dan almışdır. Latıncada sürünürəm deməkmiş həm də. Poladı simvolizə edən dairə və oxla bəzədilən loqonun yaradıcısı, həm də markanın mükəmməl dayanıqlılığını göstərməyə çalışmışdır.

1986 klivlend şar festivalı | tarix

(youtube: )